حياة غير مرئية
ومن هنا اردت ان ابدأ تلك القصة بعنوانها الغريب "الغامض" اذا عرفت ماهو معنى عنوانى من أول وهله فلا تكمل ولكن إن لم تعرف فاستمتع فإن ما اكتبه هو جزء من حياتى وحياتك وحياه الكثير فلنبدأ من مرحله قد نضجت فيها عقولنا وتفتحت مداركنا ونرى ماذا يحدث .... انت ... انتى ...تلك هى حياتكم.
" أرى نفسى الان قد كبرت وأصبح لي حياه خاصه فاتناقش واتجادل مع من حولى بما عندى من علم ومعلومات وخبره فى الحياه وبما رأيته وتعلمته من تجاربى وتجارب الأخرين ولكن أنا غير مدرك تماما اننى مازلت صغيرا لم اتعدى الثلاثون من العمر فأنا مازلت صبيا أرى انا الحياه اصبحت سريعه وعندما أتحدث الى اشخاص فى سن أصغر منى أرى انهم مرو بتجارب كثيره فأستعجب الى اى مدى ستتلاحق الاجيال بهذه السرعة .
اما الان فانا انظر الى نفسى والى حياتى وكيف ابنيها فعندما دخلت الجامعه التقيت بمجتع جديد منفتح قليلا عن مجتمع المدارس اعتقد ان فى أول سنه فى الجامعه شعرت بخوف وقلق لانى لا اعرف اى شئ من هذا وكنت اخاف من الكلام مع الطلبه الاخرين ولكن عندما مرت سنه تلو الاخرى ..ههههههه تبدلت الامووور تماما وتغير جزء كبير من الشخصيه فنظرت الى نفسى اصبحت اكثر تعقلا وليس هو انا ذات الشخص بتاع سنه اولى جامعه .
نظرت الى الدراسه !!!!! أيه دا انا الاول على دفعتى السنتين اللى فاتوا يااااااه بجد احساس النجاح احساس رائع وياسلام كدا بقى اما يجيلى زمايلى وزميلاتى علشان اشرحلهم حاجة بتخلينى فرحان اكتر انى بساعد الناس ومش ببخل بعلمى على حد .... فجأه فى مره من المرات لقيت واحده زى القمر دخلت عليا وقالتلى ممكن تشرحلى مافكرتش الرد كان اكييييييييييد .
شرحتلها وانا فرحان جدا بينى وبينكوا البت هزتنى من جوه واعجبت بيها جدا بس بصراحه انا بتكسف انا ماليش تجارب قبل كدا وعايز اقرب منها بس مش عارف اعمل ايه كل اللى بعملو انى بشرحلها واما بخلص شرح وتقوم ببقى عاوزها تقعد معايا بس مش عارف اقولها ايه مره فى التانيه فى التالته تقريبا خلصتلها المنهج كله ههههههه لقيتها بتقولى انا بحبك .
من جوايا انا طاير من الفرحه وقتها انا قعدت ساكت لا لا لا متنح ماعرفتش ارد اقول ايه من الكسوف بعدين على مارجعتلى دماغى قولتلها وانا كمان وقضينا مع بعض اجمل سنتين فى الكلية بعديها اتخرجت ولقيت شغل اه اه اه نسيت اقولكم انا خدت اعفا من الجيش اصلى وحيييييد ابتديت احوش من الشغل بعدين قولت لا انا لازم اخد كورسات علشان اشتغل فى مكان احسن وفعلا خدت كورسات واشتغلت فى مكان حلو جدا بمرتب عالى وحلو اوى اتقدمت لحبيبتى .
وخطبتها اول ماستلمت الشغل الجديد وبعديها بسنه ونص كنت متجوزها مش بقولكوا المرتب عالى فى حاجه فاتتكوا انا خدت الماجستير وبحضر فى الدكتوراه وهى جابتلى ولد امور جدا سميته " حلم " .
ايه دا ..... ايه الاسم الغريب دا الحلم دا اللى انتوا قاريتوه من شويه كل واحد فينا بيحلم انه يعيش حياته كدا مع شوية اختلافات بسيطه ماحدش هايختلف على النجاح او الحب الصادق او الحياه الكويسه انما الصراحه دخلت فى تجارب حب فاشله ماتطلعتش الاول على الكلية واما اتخرجت ولقيت ان فى مكان ممكن اشتغل فيه الواسطه ظبطتنى .. تقدر تروح واحنا هانتصل بيك نبلغك هههههه ولسه مش عارف ايه ممكن تانى يحصل بس ف حاجه انا كان جوايا الحلم دا وافتكر لو الناس عرفته هاتحب انه يكمل زى مانا كاتبه بس الحياه صعبه انا مش متشائم " لقد خلقنا الانسان فى كبد " انا متفائل ولسه هاحلم وهحاول مش معنى انى فشلت مره او اتنين معناها ان انا فاشل لا لازم اعرف الناس كلها ان انا انسان ناجح واحلم من تانى وتانى وتانى ..يعنى اعيش فى حياه غير مرئية
راقب أفكارك لأنها ستصبح كلمات ، وراقب كلماتك لأنها ستصبح أفعال ، وراقب أفعالك لأنها ستصبح عادات ، وراقب عاداتك لأنها ستصبح شخصية ، وراقب شخصيتك لأنها ستصبح مصير
